यसवर्ष हिउँदमा अधिकतम् तापक्रम् सरदरभन्दा बढी हुने

काठमाडौं, २७ मंसिर– यस वर्षको हिउँदमा देशभर अधिकतम् तापक्रम सरदरभन्दा बढी हुने र देशका अधिकांश स्थानमा सरदरभन्दा कम वर्षा हुने सम्भावना रहेको छ ।
सामान्यतया सरदर वर्षा/सरदर तापक्रम भन्नाले कुनै पनि स्थानको लामो समयको ३३ दशमलब ३ देखि ६६ दशमलब ६ प्रतिशतको वर्षा/तापक्रमलाई जनाउँदछ ।
यसैगरी सरदरभन्दा कम वर्षा÷तापक्रम भन्नाले ३३ दशमलब ३ प्रतिशतभन्दा कम र बढी भन्नाले ६६ दशमलब ६ प्रतिशतभन्दा बढीको वर्षा/तापक्रमलाई जनाउँदछ ।
ऊर्जा, जलस्रोत तथा सिँचाइ मन्त्रालयअन्तर्गतको उक्त विभागले हिउँद अवधिको वर्षा तथा तापक्रमको आँकलन सार्वजनिक गरेको विभागका वरिष्ठ मौसमविद् इन्दिरा कँडेलले जानकारी दिइन् । जल तथा मौसम विज्ञान विभागका अनुसार हिउँदमा देशका अधिकांश स्थानमा सरदरभन्दा कम वर्षा हुने सम्भावना छ ।
गण्डकी प्रदेशका कास्की, स्याङ्जा, पर्वत जिल्लामा सरदरभन्दा कम वर्षा हुने सम्भावना ४५ देखि ५५ प्रतिशत रहेको छभने यस हिउँदमा अधिकतम् तापक्रम सरदर भन्दा बढी हुने सम्भावना रहेको मौसमविद्को भनाई रहेको छ ।