बागलुङ, ९ फागुन– राष्ट्रपति विद्यादेवी भण्डारी भोलि बुधबार बागलुङ आउने भएकी छन् । बागलुङ कालिका भगवती गुठी व्यवस्थापन समितिको निमन्त्रणामा उनी बागलुङ आउन लागेकी हुन् ।
गण्डकी प्रदेशकै प्रसिद्ध शक्तिपिठ बागलुङ कालिका भगवतीको दर्शनका लागि उनी आउन लागेको गुठी व्यवस्थापन समितिका अध्यक्ष कुमार खड्काले जानकारी दिए । बुधाबार बिहान दश बजे राष्ट्रपतिले कालिका भगवती मन्दिरमा पुजा गर्ने कार्यक्रम रहेको छ ।
राष्ट्रपतिको भ्रमणपछि बागलुङ कालिकाको प्रचार प्रसार थप बढ्ने भएकाले भ्रमणका लागि निम्तो दिईएको खड्काले बताए । राष्ट्रपति भण्डारीले बागलुङ कालिकाको पहिलो पटक भ्रमण गर्न लागेकी हुन् ।
राष्ट्रपतिको भ्रमणअघि नै बागलुङ कालिका भगवती मन्दिरको कलात्मक संरचना पुननिर्माणको सकिने गरी धमाधम काम भैरहेको छ । राष्ट्रपति भ्रमणको बिषलाई लिएर सरोकारवाला सबै पक्षसँग आवश्यक छलफल सकिएको अध्यक्ष खड्काले बताए ।
राष्ट्रपतिको सवारीको समयमा समेत मन्दिरको नियमित पुजापाठ भने नरोकिने गुठीले जनाएको छ । कालिका मन्दिरको दर्शनका लागि गणतन्त्र स्थापनापछि पहिलो पटक राष्ट्रपतिको भ्रमण हुने भएकाले भ्रमणलाई गुठीले बिशेष रुपमा लिएको छ ।
