काठमाडौं, २३ फागुन– प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्ड विरुद्धको रिट सर्वोच्च अदालतमा दर्ता भएको छ । नेपाली कांग्रेसका नेता जितेन्द्र मोक्तान, ज्ञानेन्द्रराज आरण र कल्याण बुढाथोकीले प्रचण्डविरुद्व सर्वाेच्च अदालतमा रिट दर्ता गरेका हुन् ।
दर्ता भएको रिटको शुक्रबारलाई पेसी तोकिएको छ । अधिवक्ता ज्ञानेन्द्र आरन र रामेछापका कल्याण बुढाथोकीले प्रधानमन्त्री प्रचण्डलाई पक्राउ गरी आवश्यक कारबाहीको माग गर्दै सर्वोच्चमा रिट दर्ता गरेका हुन् ।
गत शुक्रबार सर्वोच्चका न्यायाधीशद्वय ईश्वर खतिवडा र हरि फुयालको संयुक्त इजलाशले रिट दर्ता गर्न आदेश दिएको थियो । ०७६ माघ १ गते प्रचण्डले द्वन्द्वकालमा मारिएका ५ हजार जनाको जिम्मा लिने घोषणा गरेका थिए ।
