बागलुङ, १८ चैत्र– धौलागिरी बहुमुखी क्याम्पस बागलुङमा स्वतन्त्र विद्यार्थी युनियन (स्ववियू)को नेतृत्व सर्वसम्मत चयन भएको छ । शनिबार बिहान बसेको विद्यार्थी संगठनहरुको बैठकले सबैको सहभागिता हुनेगरी स्ववियुमा नयाँ नेतृत्व चयन गरेको हो ।
स्ववियु सभापतिमा सुदिप सागर कँडेल सर्वसम्मत चयन भएका छन् । नेपाल बिद्यार्थी संघको तर्फबाट उनी सभापति चयन भएका हुन् । उपाध्यक्षमा नेविसंघकै दिपक सुवेदी र सचिवमा अनेरास्ववियुका अनिल शर्मा चयन भएको निर्वाचन समितिले जनाएको छ ।
स्ववियुको सह–सचिवमा अनेरास्ववियु (क्रान्तिकारी)का खिमानान्द कँडेल, कोषाध्यक्षमा नेविसंका सृष्टि आचार्य, सदस्यहरुमा कृष्णबहादुर अठारे, सुनिल गौतम, बिशाल थापा, मनोज पौडेल, गणेशप्रसाद आचार्य, सचिन हरिजन, नगेन्द्र थापा, सुनिल पौडेल, अस्मिन शेख, रुपादेवी रोका, रेखा शर्मा, तस्लिमा मियाँ, दिवस खड्का र सुदन बिक चयन भएको निर्वाचन अधिकृत गोविन्द गौतमले जानकारी दिए ।
