बागलुङ, ६ बैशाख– नेपाल बिद्यार्थी संघको ५४ औं स्थापना दिवशको अबसरमा धौलागिरि अस्पतालका बिरामीलाई फलफूल बितरण गरिएको छ ।
नेविसंघ धौलागिरि बहुमुखी क्याम्पस इकाइ समितिको आयोजनामा अस्पतालका ४० जना बिरामीलाई फलफूल बितरण गरिएको इकाइ सभापति दिनेश पन्तले बताए । कार्यक्रममा संघका जिल्ला र क्याम्पस स्तरका नेता उपस्थित थिए ।
स्थापना दिवशको अबसर पारेर क्याम्पसमा रचनात्मक क्रियाकलाप गर्दै आएको नेविसंघले बुधबार बिरामीलाई पनि सहयोग गरेको हो । उक्त अबसरमा पन्तले नेविसंघको स्थापना र महत्वबारे प्रकाश पारेका थिए । उक्त अबसरमा स्वतन्त्र बिद्यार्थी युनियन धौलागिरि बहुमुखी क्याम्पसका उपसभापति दिपक सुवेदीले कार्यक्रमको संचालन तथा स्वागत गरेका थिए ।
२०२७ सालमा बिपिन कोइराला नेविसंघको संस्थापक अध्यक्ष भएका थिए । कांग्रेस संस्थापक कृष्णप्रसाद भट्टराइले पहिलो सभापति घोषणा गरेको दिनलाई नेविसंघले स्थापना दिबशको रुपमा मनाउँदै आएको छ ।
