बागलुङ, १२ बैशाख– गौवध गरेको मुद्दामा फरार प्रतिवादीलाई जिल्ला प्रहरी कार्यालय बागलुङले पक्राउ गरेको छ । प्रहरीले गौवध कसुर मुद्दामा ५ महिना १७ दिन कैद सजाय तोकिएका फरार प्रतिवादी जैमिनी नगरपालिका–८ का २७ वर्षीय अगनबहादुर नेपालीलाई पक्राउ गरेको हो ।
प्रहरी नायव उपरीक्षक मदन केसीका अनुसार, जिल्ला अदालतले २०६७ बैशाख १० गते गौवध कसुर मुद्दामा नेपालीलाई सजाय तोकेपनि नेपाली फरार थिए । प्रहरीचौकी छिस्तीबाट खटिएको प्रहरी टोलीले नेपालीलाई पक्राउ गरेको हो । नेपालीलाई लगत कट्टा गर्नका लागि जिल्ला अदालतमा पठाइएको प्रनाउ केसीले जानकारी दिए ।
