काठमाडौं, २१ जेठ– अन्तिम खेलमा मलेसियालाई तीन विकेटले पराजित गर्दै नेपाली महिला क्रिकेट टीमले टी–२० शृंखलाको उपाधि जितेको छ ।
शृंखलाको पहिलो खेल हारेको नेपाल दोस्रो र तेस्रो खेल जित्दै जित नजिक पुगेको थियो । चौथो खेलमा मलेसियाले नेपाललाई हराउँदै शृंखला बराबरी गरेको थियो । तर, अन्तिम खेलमा नेपालले शानदार जित निकाल्दै शृंखला ३–२ ले आफ्नो पक्षमा पा¥यो ।
शृंखलाको अन्तिम खेलमा टस जितेर पहिला फिल्डिङ रोजेको नेपालले निर्धारित २० ओभरमा १ सय १० रनको लक्ष्य पाएको थियो । जवाफमा दोस्रो इनिङमा नेपालले १९.२ ओभरमा ७ विकेट गुमाउँदै लक्ष्य पुरा ग¥यो र शानदार जित निकाल्यो । नेपालको जितमा ओपनर सिता राना मगरले सर्वाधिक ३४ रन जोडिन् ।
