बागलुङ, १ असोज– हालै सम्पन्न उच्च अदालत बार एसोसिएसनका पदाधिकारीलाई उच्च अदालत बागलुङले सम्मान गरेको छ । सर्बोच्च अदालतका न्यायाधिस आनन्दमोहन भट्टराइको उपस्थितिमा अदालते पदाधिकारीलाई सम्मान गरेको हो ।
आइतवार आयोजित बार बेञ्च छलफल कार्यक्रमको अबसरमा भट्टराई सहित उच्च अदालत बागलुङका मुख्य भइ काम गर्ने कृष्ण गिरी, न्यायाधिसहरु तथा जिल्ला न्यायाधिस दिवाकर भट्टले समेत पदाधिकारीलाई सम्मान गरेका थिए । उक्त अबसरमा न्यायाधिस भट्टराईले बागलुङको जिल्ला र उच्च अदालत राम्रो अदालतमा गनिएको बताए । उनले सेवा प्रवाह, न्याय सम्पादनको प्रसंसा गरे । निर्माणाधिन उच्च अदालतको भवनको समेत निरिक्षण गरेका उनले काम गुणस्तरीय र दुूतगतीमा भएकोमा समयमा सेवा प्रवाह गर्न सकिने बताए ।
अघिल्लो साता भएको अधिवेसनबाट उच्च अदालत बार एसोसिएसनमा नयाँ समिति चयन भएको छ । अध्यक्षमा रमेशबहादुर खड्का, उपाध्यक्ष हरिकृष्ण सुवेदी, सचिवमा उमाशंकर शर्मा, सहसचिवमा लक्ष्मी जिसी कार्की र कोषाध्यक्षमा लक्ष्मी बास्कोटा निर्वाचित भएका थिए । सहभागिले बार बेञ्च मिलेर अगाडि बढ्दा न्याय सम्पादन चुस्त हुने भन्दै आम नागरिकलाई अदालत र न्याय प्रणालीमा विश्वस्त बनाउन पनि बारबेञ्चको सहकार्य आवस्यक भएको उनीहरुको भनाइ थियो । निर्वाचित पदाधिकारीले पनि न्याय सम्पादनमा अदालतलाई सघाउने बताएका थिए ।
