बागलुङ, ४ असोज– उच्च अदालत बार एसोसिएसन बागलुङले संविधान दिवशको अबसरमा शुभकामना आदानप्रदान कार्यक्रम सम्पन्न गरेको छ ।
बुधबार भएको कार्यक्रममा सहभागिले संविधानले दिएका अधिकार कानून व्यवसायी र अदालतले पूर्ण रुपमा पालना गर्दा आम नागरिकले न्याय पाउने बताए । उनीहरुले राज्य संचालकलाई पनि कानूनको शासन बारे प्रष्टाउन सक्नुपर्ने धारणा राखे ।
कार्यक्रममा उच्च अदालत बागलुङका न्यायाधिस मदन पोखरेल, लिम शर्मा र माधवेन्द्र रेग्मीले संविधानको अक्षरस पालनाका लागि बार बेञ्च मिलेर काम गर्नुपर्ने र नागरिकको न्यायका लागि समान दृष्टीकोण राख्नुपर्ने धारणा राखे । बरिष्ठ अधिवक्ताहरु कृष्णप्रसाद शर्मा निउरे र काजी गाउँले श्रेष्ठ, उच्च अदालतका रजिष्ट्रार नेत्र भुषाल, बारका पूर्व अध्यक्षहरु राम शर्मा र राजुप्रसाद गौतम लगायतले पनि शुभकामना व्यक्त गरे ।
बारका अध्यक्ष रमेश खड्काको अध्यक्षता, सचिव उमाशंकर शर्माको संचालन र उपाध्यक्ष हरिकृष्ण सुवेदीको स्वागतमा सम्पन्न कार्यक्रममा नव आगन्तुक उच्च अदालतका न्यायाधिस मदन पोखरेलको स्वागत समेत गरिएको थियो । न्यायाधिसमा सिफारिस भएका उच्च अदालतका रजिष्ट्रार नेत्र भुषाल र शिक्षा दिवशको अबसरमा नेपाल भुषण पदक पाएका अधिवक्ता डिल्लीराज गौतमलाई शुभकामना र बधाइ समेत ज्ञापन गरिएको थियो ।
