बागलुङ, ८ असोज– लागूऔषध कसुर मुद्दामा अदालतबाट १ महिना कैद र ७ हजार रुपैयाँ जरिवाना तोकिएपछि भागेका यहाँका एक प्रतिवादी पक्राउ परेका छन् ।
बागलुङको तमानखोला गाउँपालिका–२ का ६७ बर्षिय चाउरे भन्ने रत्नप्रसाद कामीलाई प्रहरीले आइतबार पक्राउ गरेको हो । गतबर्ष २०७९ असार २६ गते लागूऔषध कसुर मुद्दामा गुल्मी जिल्ला अदालतले कामीलाई दोषी ठहर गरेको थियो ।
उनलाई १ महिना कैद र ७ हजार जरिवाना तोकिएको थियो । प्रहरीले कामीलाई पक्राउ गरेर कारवाहीका लािग जिल्ला अदालत बागलुङमा पठाएको प्रहरी नायव उपरिक्षक मदन केसीले बताए । पछिल्लो समय प्रहरीले फरार प्रतिवादी फक्राउको लहर चलाएको छ ।
