बागलुङ, १५ कात्तिक– बागलुङ नगरपालिका–१० स्थित गलुवा ढाँडखर्क प्राबिका बिद्यार्थीलाई एसोसिएसन पोमे च्यानल फ्रान्सले स्टेशनरी सामग्री प्रदान गरेको छ ।
पोमे च्यानल फ्रान्सले नर्सरीदेखी ५ कक्षासम्मका बिद्यार्थीलाई झोला सहित स्टेशनरी सामग्री सहयोग गरेको हो । उक्त सामग्री पोमे च्यानल फ्रान्सका फोलोरा, क्लोयर, सोफी लोरेन्स सबिनु र क्यामारोलिन लगायतले बितरण गरेका थिए ।
स्व. मानबहादुर केसीको छोरी नितु केसीको पहलमा ७० हजार बराबरको सामग्री हस्तान्तरण गरेको बिद्यालयका प्रधानाध्यापक धनकुमारी गौचनले जानकारी दिइन् । सो अवसरमा बागलुङ नगरपालिका–१० का वडाअध्यक्ष तिलबहादुर थापाले सामुदायिक बिद्यालयको स्तरोन्नतीका लागि सबैले हातेमालो गर्नुपर्ने बताए । सो अवसरमा सहयोगदातालाई बिद्यालयले सम्मानपत्र प्रदान गरेको थियो ।
कार्यक्रम बिद्यालय व्यवस्थापन समितिका अध्यक्ष भविश्वर पाध्याको अध्यक्षता, बिद्यालयका प्रधानाध्यापक धनकुमारी गौचनको स्वागत मन्तव्य र शिक्षिका सुनिता साहीको संचालनमा सम्पन्न भएको थियो । सिर्जनसिल आमा समुह र भैरव आमा समुहले पनि सहयोग गरेको बिद्यालयले जनाएको छ ।
