बागलुङ, २६ मंसिर– बालिका बलात्कारको आरोपमा बागलुङका तीन किशोर पक्राउ परेका छन् । बागलुङ नगरपालिका–२ समिट चोकमा रहेको एक होटलमा राखी तीन जना बालिकालाई बलात्कार गरेको आरोपमा प्रहरीले उनीहरुलाई पक्राउ गरेको हो ।
पक्राउ पर्नेहरुमा हाल पोखरा बस्दै आएका बागलुङको गलकोट नगरपालिका–९ घरका २३ वर्षीय अशोक दर्लामी, रुपन्देहीको तिलोत्तमा नगरपालिका घर भएका १९ वर्षीय राहुल थापा र धादिङ कटुथे गाउँपालिका घर भएका १७ वर्षीया एक किशोर रहेको प्रदेश प्रहरीले जनाएको छ ।
१६ बर्षिया र १५/१५ वर्षिया तीन जना बालिकालाई जर्बजस्ती करणी गरेको आरोप प्रहरीको छ । शनिबार बिहान घरबाट हिँडेका बालिकाहरु अबेरसम्म घर नफर्किएपछि परिवारले खोजी गर्ने क्रममा उनीहरुलाई होटलमा फेला पारेर प्रहरीलाई खबर गरेको थियो । जानकारी पाउँदा साथ घटनास्थल पुगेको प्रहरीले उनीहरु छ जनालाई नै होटलमा भेटेको थियो । जर्बजस्ती करणी गरेको जानकारी पाएपश्चात उनीहरुलाई नियन्त्रणमा लिएको गण्डकी प्रदेशले जनाएको छ ।
