पोखरा, १० पुस– नेकपा एमाले गण्डकी प्रदेश संसदीय दलको नेतामा खगराज अधिकारी चुनिएका छन् । संसदीय दलको आइतबार पोखरामा बसेको बैठकले अधिकारीलाई सर्वसम्मत दल नेता चुनेका हुन् ।
अधिकारीलाई संसदीय दलका नेता चुन्न सांसद लिलाबहादुर थापा प्रस्तावक र रोशन गाहा मगर समर्थक थिए । अधिकारी संसदीय दलका नेता चुनिए पनि उपनेता, प्रमुख सचेतक र सचेतक चुन्न बाँकी छ । आगामी बैठकले बाँकी पदाधिकारी सर्वसम्मत चुन्ने सांसद थापाले बताए ।
एमाले स्थायी कमिटी सदस्य एवं संगठन विभाग प्रमुखसमेत रहेका अधिकारी दलका नेता चुनिएसँगै मुख्यमन्त्री बन्ने बाटो खुलेको छ । संघमा एमाले नेतृत्वमा गठबन्धन बनेसँगै प्रदेशमा पनि त्यसको असर देखिन थालेको छf।
