काठमाडौं, ११ पुस– नेकपा माओवादी केन्द्रले वरिष्ठ उपाध्यक्ष नारायणकाजी श्रेष्ठलाई उपप्रधानमन्त्री बनाउने निर्णय गरेको छ । पार्टी कार्यालय पेरिसडाँडामा सोमबार बिहान बसेको पार्टीको पदाधिकारी बैठकले उपाध्यक्ष श्रेष्ठलाई उपप्रधानमन्त्रीको जिम्मेवारी दिने निर्णय गरेको हो । श्रेष्ठ राष्ट्रियसभा सदस्य हुन् । नवनियुक्त प्रधानमन्त्री पुष्पकमल दाहाल ‘प्रचण्ड’ले दिउँसो ४ बजे केही मन्त्रीहरूसहित पद तथा गोपनीयताको शपथ लिदै छन् ।
