बागलुङ, १८ पुस– श्रीकृष्ण आधारभुत विद्यालय मालिका बान्द्रे बागलुङको ६३ औँ बार्षिकोत्सव विविध कार्यक्रमको आयोजना गरी सम्पन्न भएको छ ।
वार्षिकोत्सवको उद्घाटन गर्दै नगरशिक्षा अधिकारी धनप्रसाद पोखरेलले अधिकांश शिक्षकले आफ्ना छोराछोरी निजी विद्यालयमा पढाउँदा सामुदायिक बिद्यालयको गुणस्तर खस्केको चर्चा गर्दै आफु कार्यरत विद्यालयलाई विश्वास गर्न नसक्ने शिक्षकबाट विद्यालयको भौतिक र शैक्षिक विकास हुन नसक्ने बताए ।
विद्यालयका प्रधानाध्यापक दयाराम सापकोटाले आर्थिक र शिक्षक घनश्याम रिजालले शैक्षिक प्रतिबेदन प्रस्तुत गर्नुभएको कार्यक्रममा पुर्वशिक्षक अभिभावक संघका अध्यक्ष कृष्ण प्रसाद शर्मा, जग्गादाता प्रेम प्रसाद सापकोटा, समाजसेवी बलराम सापकोटा, बिद्यार्थी आयुस्मा रिजाल र शुभलक्ष्मी आचार्यले बोलेका थिए ।
वार्षिकोत्सवको अवसरमा विद्यालयको अक्षयकोषबाट १ लाख बराबरको खेलकुद पोशाक वितरण र उत्कृष्ट अंक ल्याउने तथा जेहेन्दार विद्यार्थीलाई पुरस्कृत गरिएको विद्यालयले जनाएको छ ।
कार्यक्रम बिद्यालय व्यवस्थापन समितिका अध्यक्ष चक्रपाणी सापकोटाको अध्यक्षता, शिक्षक खडानन्द सापकोटभको स्वागत र शिक्षक रेशम बहादुर केसीको संचालनमा सम्पन्न भएको थियो ।
