बागलुङ, ५ पुस– शिक्षा विकास तथा समन्व्य इकाई कार्यालय बागलुङले शैक्षिक गुणस्तर अभिबृद्धिका लागि माध्यामिक बिद्यालयका प्रधानाध्यापहरुसंग छलफल तथा अन्तरक्रिया गरेको छ ।
जिल्लाको शैक्षिक विकास र गुणस्तर अभिबृद्धिमा सहयोग पु¥याउने उद्देश्यले इकाई कार्यालयले बागलुङ, जैमिनी नगरपालिका, बरेङ, ताराखोला र काँठेखोला गाउँपालिकाका माबिका प्रधानाध्यापहरुसंग छलफल तथा अन्तरक्रिया गरेको हो ।
कार्यक्रममा बोल्दै प्रमुख जिल्ला अधिकारी रमेश ढकालले शिक्षालाई गुणस्तरीय र व्यवहारिक बनाउन आवश्यक रहेको बताए । उनले बिद्यार्थीहरुको अभिलेखिकरण चुस्त दुरुस्त हुनुपर्ने र परिक्षा संचालन विधि पनि व्यवस्थित तथा मर्यादित हुनुपर्नेमा जोड दिए ।
इकाई प्रमुख कुश्मराज उपाध्यायले जिल्लाको शैक्षिक अवस्था, सिकाई उपलव्धी, चुनौती, समस्या र समस्या समधानका उपाएका वारेमा जानकारी गराएका थिए । कार्यालयका बिदुर शर्मा चापागाईले रजिष्टेशन, आवेदन, कार्यसम्पादन मुल्याङ्कन तथा फारमका बिषयमा सहजिकरण गरेका थिए ।
त्यसैगरी, मालिका माविका प्रधानाध्यापक बालकृष्ण सापकोटाले नविनतम शिक्षण बिधी र धौलागिरि बिरेन्द्र माविका केशवराज पौडेलले पाठ्यक्रम र मुल्याङ्कनका बिषयमा सहजीकरण गरेका थिए ।
