बागलुङ, १० माघ– मध्यपहाडी लोकमार्गअन्र्तगत घोडाबाँधेदेखि हटिया सम्मको जीर्ण सडक मर्मतको काम शुरु भएको छ । सडकको घुम्ती चक्ल्याउने, पहिरो खसेका स्थानमा पर्खाल लगाउने र सडक पेटीमा नाली निर्माणको काम थालिएको हो ।
पाँच बर्षअघि नै कालोपत्रे भएको लोकमार्गको घोडाबाँधेदेखि गलकोट खण्डको २० किलोमीटर सडकखण्ड जीर्ण बनेको थियो । सडकमा नालीसमेत नहुँदा बर्षात्मा बाढी पसेर सडक ध्वस्त भएको थियोभने पहिरोले सयौं रोपनी जमिन पुरिएको थियो ।
गत आर्थिक बर्षदेखि लोकमार्ग आयोजना कार्यालयले सडक मर्मतको काम थालेपनि पुरा हुन सकेको थिएन । गत कात्तिकदेखि भने नाली निर्माण, पर्खाल बनाउने र खाल्डा पुर्ने काम शुरु भएको लोकमार्ग आयोजना कार्यालयका प्रमुख नारायणदत्त भण्डारीले बताए ।
‘हामीले अहिले काम थालेका छौं, छिट्टै सक्छौं’ भण्डारीले भने, ‘बर्षात् धेरै भएकोले काम गर्न कठिन थियो, हिउँदमा काम सकेर सहज बनाउँछौं ।’ ५२ करोड रुपैयाँको लागतमा सडक पुननिर्माण, मर्मत र सुधारका काम थालिएको हो ।
