म्याग्दी, २२ फागुन– जिल्लाको अन्नपूर्ण गाउँपालिका वडा नम्बर ३ दानाको काभ्रेस्थित सरस्वती आधारभूत विद्यालयलाई दुई पूर्वशिक्षकले दुई लाख बढी आर्थिक सहयोग गरेका छन् । दानाका गंगाबहादुर पुर्जा र उनकी श्रीमती योमाया पुर्जाले एक लाख ५१ हजार एक सय पाँच रुपैयाँ सहयोग गरेका हुन् ।
बिदा मनाउने क्रममा नेपाल आएका पुर्जा परिवारले काभ्रे पुगेर विद्यालयलाई रकम हस्तान्तरण गरेका हुन् । पुर्जा दाजुभाईले बेलायती सेनामा भर्ती हुनुअघि मुस्ताङको सिमानामा रहेको सो विद्यालयमा अध्यापन गराएका थिए । पचास विद्यार्थी अध्ययनरत विद्यालयका निजी स्रोतका शिक्षकको तलबका लागि सहयोग रकम परिचालन गरिने विद्यालयले जनाएको छ ।
शारीरिक रुपमा अपाङ्गता भएका पुर्जाले यसअघि पनि बेलायत सरकारले पेन्सनवापत दिने रकम जिल्लाका विभिन्न विद्यालयलाई उपलब्ध गराएका थिए । उनले प्रवासी नेपालीलाई सहयोग गर्ने उद्देश्यले मद्दत समूह नामक संस्था गरी दुःखमा परेका नेपालीलाई बेलायतमा सहयोग जुटाउन सक्रिय भूमिका निभाउँदै आएका छन् ।
