बागलुङ, ५ असार– बागलुङ बजारको एक तन्दुरी रेष्टुरेन्टमा आगलागी हुँदा ७० हजार बढीको क्षती भएको छ । बागलुङ नगरपालिका वडा नं. २ श्रीनगर टोलमा रहेको एञ्जीला तन्दुरी रेष्टुरेन्टमा मंगलबार बिहान आगलागी भएको हो ।
रेष्टुरेन्टले दाउदा राखेको एकतले घरमा बिहान ३ बजे आगलागी भएको जिल्ला प्रहरी कार्यालय बागलुङका प्रहरी नायव उपरिक्षक मदन केसीले बताए । आगलागीबाट उक्त घरमा राखिएका दाउरा जलेका छन् भने टिनको छानामा क्षती भएको छ । आगलागीको कारण भने खुलेको छैन् ।
काठेखोला गाउँपालिका–८ लेखानीका भक्तबहादुर क्षेत्रीले उक्त रेस्टुरेन्ट सञ्चालन गर्दै आएका छन् । रातको समयमा आगलागी भएपछि प्रहरी र स्थानीयको सहायतामा आगो नियन्त्रणमा लिईएको थियो । समयमै आगो नियन्त्रणमा आएकाले अन्यत्र फैलिन नपाएको केसीले बताए । आगो नियन्त्रण गर्न बागलुङ नगरपालिकाको दमकलको सहायता लिईएको थियो । घटनको थप बिबरण आउन बाँकी छ ।
