बागलुङ, १३ असोज– प्रकाश सपुत र केकी अधिकारीको शीर्ष भूमिका रहेको फिल्म ‘परदेशी २’ को शुक्रबार प्रिमियर गरिएको छ । अभिनेता तथा गायक सपुतको गृहजिल्ला बागलुङस्थित बीएसआर मुभिजमा फिल्म प्रिमियर गरिएको हो ।
निर्देशक नारायण रायमाझी, कलाकारहरु प्रकाश र केकीसहित सञ्चारकर्मीको उपस्थितिमा फिल्मको प्रथम प्रदर्शनी गरिएको हो ।
प्रिमियरअघि ‘परदेशी २’ को टिमलाई स्थानीय लोकतान्त्रिक चोकबाट बागलुङ नगरप्रमुख वसन्तकुमार श्रेष्ठ, नगर उपप्रमुख राजु खड्का लगायतका जनप्रतिनिधिले पुष्पगुच्छाले स्वागत गरेका थिए ।
प्रिमियरमा सहभागी मेयर श्रेष्ठले बागलुङमा फिल्मको प्रिमियर आयोजना हुनुले नगरको पर्यटन प्रवर्द्धनमा योगदान पुग्ने विश्वास व्यक्त गरे ।
वैदेशिक रोजगारीको आयाम प्रस्तुत गर्ने यो फिल्म असोज २६ गते रिलिज हुँदैछ । फिल्म गायक समेत रहेका सपुतको डेब्यु पनि भएकाले दर्शकमाझ पर्खाइ छ ।
