बागलुङ, १५ असोज– एनप्याब्सन बागलुङ नगर समितिले प्राथमिक तहका शिक्षकका लागि दुइ दिने क्षमता विकास तालिम सम्पन्न गरेको छ । शिक्षण सिकाइमा अब्बल बनाउने, गुणस्तरीय शिक्षाको विकास गर्ने र बालमैत्री अभियानमा सहयोग पु¥याउन उक्त तालिम दिइएको हो ।
तालिममा बागलुङ नगरभित्रका निजी तथा आवासिय बिद्यालयका ४० जना शिक्षकहरु सहभागि थिए । तालिममा सोनी पौडेलले सहजीकरण गरेकी थिइन् ।
दुइ दिने तालिमपछि आयोजित समापन समारोहमा नगर शिक्षा अधिकारी धनप्रसाद पोखरेलले सजाय दिएर पढाउने चलनको अन्त्य गर्ने र बालबालिकालाई रमाएर सिक्दै पढ्ने अबसर दिन शिक्षकहरु तालिम प्राप्त बन्नुपर्ने बताए । दण्डरहित शिक्षा सहित बालमैत्री नगर बनाउने अभियानमा यस्ता तालिम सहयोगी हुने बताए ।
एन प्याब्सन नगर समितिका अध्यक्ष चन्द्रबहादुर क्षेत्रीको अध्यक्षता, सचिव निसान खड्काको संचालनमा सम्पन्न कार्यक्रममा एनप्याब्सन बागलुङका अध्यक्ष नेत्रलाल न्यौपाने, कालीगण्डकी बोर्डिङका संस्थापक निरन्जन लालराजभण्डारी र सहभागि शिक्षक लक्ष्मी थापाले मन्तव्य राखेका थिए ।
