बागलुङ, १७ असोज– गायिका सुस्मा बिसीको स्वर रहेको ‘शीरको फुल’ गीत सार्वजनिक भएको छ । डिजिटल बजार युटुवमार्फत गीत सार्वजनिक भएको हो ।
रिअल पिक्चरस प्रा.लि.को निर्माणमा गीत बजारमा सार्वजनिक गरिएको हो । राम बास्तोलाको निर्देशन र गायिका सुस्मा बिसीको स्वर रहेको ‘शीरको फूल’ नामक मौलिक गीतको शब्द भोजेन्द्र अधिकारीले लेखेका हुन संगीत पनि भोजेन्द्र अधिकारीले गरेका हुन् ।
गीतमा प्रेम पछिको विछोड र प्रेम वियोगले बुढेसकालसम्म दिएको चोट र पिंडालाई मार्मिक ढंगले चित्रण गरिएको छ । निकै मार्मिक कथाबस्तु रहेको गीतको म्युजिक भिडियोमा काठेखोला गाउँपालिका–४ तंग्राम बागलुङका नवउदयीमान कलाकार चन्द्रमा विश्वकर्मा र साहिल गायकले अभिनय गरेका छन् ।
म्युजिक भिडियोमा मुख्य कलाकारको रुपमा रहेकी कलाकार चन्द्रमा विश्वकर्माकी आफ्नी स्वर्गीय आमा सस्ती विश्वकर्मालाई समर्पण गरिएको उक्त सांगीतिक कृति झट्ट हेर्दा जो कुनैलाई पनि कुनै सटमुभीजस्तै लाग्छ । पोखराको घाचोकमा छायांकन गरिएको गीतको म्युजिक भिडियोमा रोहित गायक, पदम बहादुर बस्ताकोटी, दिप्ना रसाइली, महादेव अधिकारी, कृष्ण सिर्पाली, सनम थापा मगर, यज्ञबहादुर गायक र काठेखोला–३ धम्जा, बागलुङका गजल विश्वकर्माको समेत अभिनय छ ।
