बागलुङ, २० असोज– धवलागिरि बहुमुखी क्याम्पस बागलुङमा लगानीकर्ता शिक्षा तथा सचेतना अभिवृद्धि कार्यक्रम सम्पन्न भएको छ । विश्व लगानीकर्ता सप्ताहको अवसरमा नेपाल धितोपत्र वोर्डको आवहन, नेपाल मचेंन्ट बैंकर संघको समन्वय तथा ग्लोबल आइएमई क्यापीटल लिमिटेडको आयोजनामा कार्यक्रम सम्पन्न भएको हो ।
पूँजी बजारमा नयाँ लगानीकर्तालाई अवसर प्रदान गर्न तथा पुराना अनुभवी लगानीकर्तालाई थप प्रोत्साहन गर्न गरिएको कार्यक्रमले पूँजीबजारको चेतनालाई थप अभिबृद्धि गराएको नेपाल धितोपत्र बोर्डका उपकार्यकारी निर्देशक दिपेश ताम्राकारले बताए ।
अन्तरक्रियात्मक कार्यक्रमको सहजीकरण ग्लोबल आइएमई क्यापिटल लिका नायव प्रबन्धक छविलाल शर्मा पौडेल र अनुसन्धान विभागका अनिल हुमागाईंले गरेका थिए । छलफलमा उठेका प्रश्नहरुको जवाफ बोर्डका उपकार्यकारी निर्देशक ताम्राकारले दिएका थिए ।
धवलागिरी बहुमुखी क्याम्पसका क्याम्पस प्रमुख प्रा. डा. रामप्रसाद उपाध्यायको आतिथ्यतामा सम्पन्न कार्यक्रम ग्लोबल आइएमई क्यापिटलका अध्यक्ष प्रेमराज जोशीको अध्यक्षता र नायव प्रबन्धक छविलाल शर्मा पौडेलको सञ्चालनमा सम्पन्न भएको थियो ।
