बागलुङ, २२ कात्तिक– गण्डकी प्रदेशस्तरीय ‘बागलुङ कप’ टी२० क्रिकेट प्रतियोगितामा पर्वत र स्याङ्जा क्रिकेट संघले विजयी सुरुवात गरेका छन् ।
बागलुङ क्रिकेट संघको आयोजनामा मंगलबारदेखि सुरुभएको प्रतियोगिताको उद्घाटन खेलमा आयोजक बागलुङलाई पर्वतले १८ रनले हराएको छ । जितको लागि ९८ रनको विजयी लक्ष्य पछ्याएको बागलुङ ७९ रनमा अलआउट भयो । बागलुङका सन्देश खड्काले २३ रन र रमेश बस्नेतले११ रन बनाए
पर्वतका सुरेश भट्टराईले ४ ओभरमा २४ रन खर्चेर ४ विकेट लिए ।
टस जितेर पहिला ब्याटिङ रोजेको पर्वतले २० ओभरमा ९७ रन बनाएको थियो । पर्वतको लागि सरोज केसीले१७ रन र विकास क्षेत्रीले १५ रन बनाए ।
बागलुङका सन्देश खड्काले ४ ओभरमा २० रन खर्चेर ३ विकेट लिए ।
दोस्रो खेलमा स्याङ्जाले तनहुँलाई ७७ रनले पराजित गरेको छ । १ सय १६ रनको विजयी लक्ष्य पछ्याएको तनहुँ ३९ रनमा अलआउट भयो । तनहुँको लागि इसान श्रेष्ठले १२ रन बनाए ।
स्याङ्जाका तुलसीराम भण्डारीले ३ ओभरमा ७ रन खर्चेर ३ विकेट लिए ।
टस जितेर पहिला व्याटिङ गरेको स्याङ्जा १ सय १६ रनमा अलआउट भएको थियो । स्याङ्जाको लागि सन्दिप खत्री क्षेत्रीले १३ बलमा १८ रन र करण पंगेनीले १२ बलमा १७ रन बनाए । तनहुँका सिके पौडेलले ३ ओभर ३ बलमा २७ रन खर्चेर ३ विकेट लिए ।
