बागलुङ, २२ कात्तिक– धौलागिरि बहुमुखी क्याम्पसमा छात्रबृत्ति कोष स्थापनाका लागि स्वतन्त्र बिद्यार्थी युनियनले देउसी भैलो कार्यक्रम संचलन गरिने भएको छ ।
धौलागिरि बहुमुखी क्याम्पसमा अध्ययन गर्न आउने आर्थिक अवस्था कमजोर भएका बिद्यार्थीलाई छात्रबृत्ति रकम प्रदान लगाएतका उद्धेश्य राखी युनियनको नेतृत्वमा देउसी भैलो कार्यक्रम संचलन गरिने भएको हो ।
१ करोड संकलन गर्ने लक्ष्यसहित छात्रबृत्ति कोष स्थापनाका कार्तिक २४ गतेदेखि देउसीभैलो कार्यक्रम संचालन गरिने र अन्य कार्यक्रममार्फत पनि रकम संकलन गरिने स्वतन्त्र बिद्यार्थी युनियनका सभापति सुदिपसागर कँडेलले जानकारी दिए ।
बुधबार आयोजित पत्रकार सम्मेलनमा सभापति कँडेलले छात्रबृत्ति कोष स्थापनासहित क्याम्पस र समुदाय बीचको सम्वन्ध र सहकार्य बढाउन, उच्च शिक्षा अध्ययनतर्फ बिद्यार्थीको आकर्षण बढाउन तथा कोष खडा गरि व्याजबाट बार्षिक रुपमा १ सय जना बिद्यार्थीलाई छात्रबृत्ति प्रदान गरिने उद्देश्य रहेको बताए ।
छात्रबृत्ति कोष स्थापनाका लागि क्याम्पससहित, बागलुङ र छिमेकी जिल्लाका पालिकाबाट समेत आवश्यक रकम संकलन गरिने छ । स्ववियुले बिद्यार्थीहरुको मनोबल बढाउन संचालन गरिने कोष स्थापनाको कार्यक्रममा सहयोग गर्न देश तथा बिदेशमा रहेका सम्पूर्ण रहेका सबैलाई अपिल गरेको छ ।
