बागलुङ, १४ फागुन– तेस्रो ‘चिल्ड्रेन लाइफ कप’ फुटबलको उपाधी चिल्ड्रेन लाइफ आबासीय माबि ‘निलो’ले जितेको छ । चिल्ड्रेन लाइफ स्पोर्टस क्लबले माध्यामिक बिद्यालय स्तरीय फुटबल खेल आयोजना गरेको थियो । खेलमा १० टिम सहभागि थिए ।
आइतवार यहाँको बाङगेचउर खेल मैदानमा भएको खेलमा चिल्ड्रेन लाइफले बिद्यँमन्दिर माबि लाई शुन्यका बिरुद्ध एक गोलले पराजित गरेको हो । चिल्ड्रेन लाइफका कप्तान बिविध थापाले दोश्रो हाफको ४ मीनेटमा गोल गरेका हुन् ।
जितसँगै उसले ४४ हजार ४ सय ४४ रुपैयाँ नगद सहित ट्रफी, मेडल र प्रमाणपत्र पायो । बिद्यामन्दिरले २२ हजार २ सय २२ रुपैयाँमा चित्त बुझायो । पहिलो हाफ बराबरी खेलेपनि बिद्यामन्दिरले चिल्ड्रेन लाइफलाई दवावमा राखेको थियो । डि एरिया नजिकैको पाएको फ्रि किकको सदुपयोग गर्दै चिल्ड्रेनका थापाले गोल गर्न सकेका हुन् । पहिलो पटक फाइनल पुगेको बिद्यामन्दिरले पनि उत्कृष्ठ प्रर्दशन गरेको थियो ।
तीनवटा संस्करणमा चिल्ड्रेनले दोश्रो पटक जित निकालेको हो । पहिलो संस्करण जितेको चिल्ड्रेन लाइफ गतबर्षको दोश्रो संस्करणमा भने अमर आदर्श आबासीय माबिसँग पराजित भएको थियो । तेस्रो कप पुन आफ्नो पोल्टामा ल्याउन सफल भयो ।
फाइनल प्रवेशका लागि शनिवार भएको खेलमा चिल्ड्रेन लाइफले फ्युचर ब्राइटर आबासीय माबिलाई शुन्यका बिरुद्ध २ गोलले पराजित गरेको थियो भने बिद्यामन्दिरले ट्राइबेकरमा न्यु ओएसिस आबासीय माबिलाइ ५–४ गोल अन्तरले पराजित गरेको थियो ।
