बागलुङ, १५ चैत – जिल्लाको निसीखोला गाउँपालिकामा पिकअप भ्यान दुर्घटना हुँदा नेकपा एमाले ढोरपाटन नगर कमिटीका अध्यक्ष ऋतुबर्ण पौडेलको मृत्यु भएको छ ।
निसीखोलाबाट बुर्तिबाङ बजारतर्फ आउँदै गरेको लु १ च ९४८० नम्बरको पिकअप भ्यान दुर्घटना हुँदा ढोरपाटन नगरपालिका–१ का पौडेलको घटनास्थलमा मृत्यु भएको प्रहरीले जनाएको छ ।
दुर्घटनामा अर्का जना गम्भिर घाईते भएका छन् । दुर्घटनामा रुपन्देही जिल्ला तिलोत्तमा नगरपालिकाका ३८ बर्षिया सुरेश थापा गम्भिर घाईते भएको प्रहरी नायव उपरीक्षक इकवाल हवारीले जानकारी दिए ।
घाईतेको उपचारका लागि धौलागिरी अस्पताल बागलुङ ल्याईंदै गरेको प्रहरी नायव उपरीक्षक हवारीले बताए ।
पिकअप भ्यान सडकदेखि १५० मिटर तल खोलामा खसेको छ ।
