पोखरा, १५ चैत – नाबालिकालाई जबर्जस्ती करणीको अभियोगमा पूर्पक्षका लागि तनहुँ कारागारमा थुनामा रहेका पल शाह (पूर्णविक्रम शाह ) ले उच्च अदालत पोखरामा निवेदन दिएका छन् ।
शाहका तर्फबाट कानुन व्यवसायीले तनहुँ जिल्ला अदालत थुनछेक आदेशविरुद्ध मंगलबार निवेदन दिएका हुन् । तनहुँ जिल्ला अदालतको चैत १० को आदेशले पल शाहलाई पूर्पक्षका लागि जेल चलान गरेको थियो ।
उक्त आदेश खारेज गरिपाउँ भन्दै निवेदन परेको उच्च अदालत पोखराका सूचना अधिकारी विष्णुप्रसाद आचार्यले जानकारी दिए । उनका अनुसार पललाई धरौटी वा तारेखमा छाडेर मुद्दा लड्न दिन निवेदनमा माग गरिएको छ ।
