काठमाडौं, ११ जेठ – काठमाडौं महानगरपालिकामा मेयरका स्वतन्त्र उमेदवार बालेन शाहले अग्रता फराकिलो बनाउँदै लगेका छन् । एक लाख ६६ हजार ३१३ मतगणना हुँदा बालेनको पक्षमा ५४ हजार २१३ मत खसेको छ ।
दोस्रो स्थानमा उनलाई पछ्याइरहेकी नेपाली कांग्रेसकी उमेदवार सिर्जना सिंहले ३४ हजार १८० मत प्राप्त गरेकी छन् । तेस्रो स्थानमा रहेका एमालेका मेयर उमेदवार केशव स्थापितको पक्षमा ३३ हजार ६०९ मत खसेको छ ।
काठमाडौं महानगरपालिकामा २२ हजार ५६४ मत गणना गर्न बाँकी छ। जिल्ला निर्वाचन कार्यालय काठमाडौंका अनुसार ६ हजार ५३२ मत बदर भएको छ ।
