लमजुङ, ८ मंसिर– लमजुङमा नेकपा एमालेका पृथ्वीसुब्बा गुरुङ विजयी भएका छन् । उनले नेकपा माओवादी केन्द्रका देव गुरुङलाई ३१८८ मतले पराजित गरेका हुन् ।
पृथ्वीले ३४ हजार ९ सय ६९ मत पाउँदा गुरुङले ३१ हजार ७ सय ८९ मत पाए ।
कास्की २ मा एमालेकी विद्या भट्टराई निर्वाचित
कास्की क्षेत्र नं. २ मा नेकपा एमालेकी विद्या भट्टराई निर्वाचित भएकी छिन् । उनले निकटम् प्रतिद्वन्द्वी राष्ट्रिय स्वतन्त्र पार्टीका उम्मेदवार माधवप्रसाद कँडेललाई ४ हजार ५ सय ३ मतान्तरले पराजित गर्दै दोस्रो पटक संसद यात्रा निश्चित गरेकी हुन् ।
भट्टराईले १६ हजार ९ सय ९८ मत पाउँदा निकटतम् प्रतिद्वन्द्वी कँडेलले १२ हजार ४ सय ९५ मत ल्याउन सफल भए । कँडेलले सुरुआती मतगणनामा लगातार अग्रता बनाइरहेका थिए । तर, पछि विद्याले उछिन्दै भारी मतान्तरसहित विजयी भएकी हुन् । सत्तारुढ गठबन्धनबाट उम्मेदवार बनेका नेकपा एकीकृत समाजवादीका श्रीनाथ बराल ९ हजार ६ सय ५९ मतसहित तेस्रो स्थानमा रहे ।
