मुस्ताङ, ८ पुस– जिल्ला अस्पताल मुस्ताङ दुई वर्षदेखि एम्बुलेन्सविहीन बनेको छ । अस्पतालका निमित्त मेडिकल सुपरिटेण्डेन्ट डा. विशाल तिवारीले बिरामीका लागि अत्यावश्यक रहने एम्बुलेन्स अस्पतालमा नभएको बताए ।
दुई वर्षअघि बिग्रेको एम्बुलेन्स मर्मत तथा सञ्चालन गर्न नसकिएको हो । १८ जनाको दरवन्दी रहेको मुस्ताङ अस्पतालले जनशक्ति अभाव पनि खेपिरहेको छ । हाल नौ जनाले मात्रै बिरामीलाई सेवा सुविधा दिनुपरेको डा. तिवारीले बताए । अस्पतालको भौतिक पूर्वाधार, जनशक्ति एवम् बजेटकै कारण मुस्ताङ अस्पतालले समस्या झेल्नुपरेको उनको भनाई छ ।
