काठमाडौं, ५ फागुन– नेकपा एमालेको मिसन ग्रासरुट नाम दिइएको दुई महिने पार्टी सुदृढीकरण तथा विस्तार अभियान आजदेखि सुरु गर्दैछ ।
अध्यक्ष केपी शर्मा ओलीले आज सवा १२ बजे सात प्रदेश र विशेष प्रदेशमा आयोजना हुने अभिमुखीकरण कार्यक्रमलाई भर्चुअल माध्यमबाट एकसाथ सम्बोधन गर्नुहुनेछ । त्यसपछि सो अभियान सुरु हुने एमालेले जनाएको छ ।
आजको बैठकमा अभियानको उद्देश्य, कार्ययोजना र कार्यादेशका बारेमा छलफल गरेर टुंगो लगाउँदै अभियानअन्तर्गत केन्द्रीय कमिटी सदस्यहरू पालिका तहमा दुई महिना खटिने छन् ।
एमालेले एक केन्द्रीय सदस्यलाई ३ वटा पालिकाको जिम्मेवारी दिइएको छ । गत २६ माघमा बसेको एमाले स्थायी कमिटीको बैठकले ग्रास रुट अभियान सुरु गर्ने निर्णय गरेको थियो ।
