बागलुङ, १६ चैत्र– जिल्लामा कोरोना भाइरसविरुद्धको पहिलो र दोस्रो खोपको तुलनामा बुस्टर डोज लगाउनेको संख्या आधा घटेको छ । पहिलो पटकको खोप अभियानमा बागलुङमा ८८ प्रतिशतले लगाएका थिए भने दोश्रो डोज ८३ प्रतिशत र बुस्टर लगाउने ४८ प्रतिशत मात्रै छन् ।
स्वास्थ्य कार्यालय बागलुङका खोप सुपरभाइजर राजु थापाका अनुसार, पहिलो डोज २ लाख १६ हजार र दोस्रो डोज २ लाख १२ हजारले लगाएकोमा बुस्टर डोज लगाउने बेलामा १ लाख ५ हजारले मात्रै लगाएका हुन् । यस्तै, १५ वर्षमाथिका नागरिकको तुलनामा विद्यार्थीले बढी खोप लगाएका छन्भने ५ देखि १२ वर्षभित्रकाले ९४ प्रतिशत खोप लगाए पनि बुस्टर लगाउन पाएका छैनन् ।
ताराखोला गाउँपालिकामा पहिलो र दोस्रो डोज खोप शतप्रतिशतले लगाएका छन्भने काठेखोलामा ६४ प्रतिशतले मात्रै लगाएका छन् । काठेखोलामा बुस्टर समेत ४३ प्रतिशतले लगाएका छन् । पालिका तहका स्वास्थ्य शाखाले माग नगरेकोले केन्द्रबाट थप खोप मगाउन नसकिएको थापाको टिप्पणी छ ।
