बागलुङ, ३० कार्तिक– बागलुङमा जीप दुर्घटना हुँदा एक जना गम्भिर घाईते भएका छन् ।
बुधबार राती बागलुङ नगरपालिका–९ तित्याङबाट बागलुङ बजार आउँदै गरेको ग २ च २६३३ नम्बरको बोलेरो पिकअप जीप बानपा–३ कृषि गाउँमा दुर्घटना भएको जिल्ला प्रहरी कार्यालय बागलुङले जनाएको छ । दुर्घटनामा परी बागलुङ नगरपालिका–१ रामरेखा बस्ने बर्ष ६० का कविराज थापा गम्भिर घाईते भएको जिप्रका बागलुङका प्रहरी निरिक्षक बसन्त बहादुर भुजेलले बताए ।
घाईते थापाको धौलागिरी अस्पताल बागलुङमा प्रथामिक उपचारपछि थप उपचारको लागि मणिपाल अस्पताल पोखरा रिफर गरिएको प्रनि भुजेलले जानकारी दिए । जीपमा चालक सहित दुई जना सवार रहेको र चालक फरार रहेको जिल्ला प्रहरी कार्यालय बागलुङले जनाएको छ ।
