बागलुङ, ४ चैत्र– गलकोट बहुमुखी क्याम्पसले गत फागुन ६ गतेदेखि १३ गतेसम्म आयोजना गरेको श्रीमद भागवत शैक्षिक ज्ञान महायज्ञको आम्दानी खर्च सार्वजनिक भएको छ ।
क्याम्पसले पत्रकार सम्मेलन गरेर महायज्ञको आयव्यय सार्वजनिक गरेको हो । क्यामपस प्रमुख मुकुन्द सिंह भण्डारीका अनुसार महायज्ञ अबधिभर बोलकबोलबाट १२ करोड ४५ लाख ९४ हजार ६ सय १६ रुपैयाँ संकलन भएको छ । भेटी रकमबाट ४ लाख ६१ हजार, धान बिक्रीबाट मण्डपबाट ५ लाख, ४५ हजार, गोदामबाट ४७ हजार ४ सय, खाद्यान्न सामान बिक्रीबाट ६६ हजार आम्दानी भएको हो ।
आर्थिक बिभागका प्रमुख रामप्रसाद शर्माले आम्दानी र खर्चको बिवरण सार्वजनिक गरेका हुन् । त्यो मध्ये ६ महिनाभित्र रकम संकलन गरेर क्याम्पसको साझा कोष बनाउने लक्ष राखिएको छ । महायज्ञ अबधिभर ५१ लाख ६० हजार रुपैयाँ खर्च भएको छ भने हाल १ करोड ७२ लाख बिभिन्न बैंकमा बचत रहेको छ ।
१२ करोडमध्ये बोलकबोल भएका व्यक्तिहरु टाढा भएको र प्रक्रिया लागेकोले १० करोड ३२ लाख ६ महिनाभित्र क्याम्पसको नाममा आइसक्ने जनाईएको छ ।
