बागलुङ, २१ असोज-राष्ट्रिय गौरवको आयोजना कालीगण्डकी करिडोरअन्तर्गत बागलुङको बलेवा विमानस्थलदेखि गुल्मी जिल्लाको हर्मिचौरसम्म ४४ किलोमिटर सडक कालोपत्रे गर्न सुरु भएको छ । बलेवा–हर्मिचौर सडक खण्ड ११ मिटर फराकिलो बनाएर डिबिएसटी प्रविधिको कालोपत्रे गर्न सुरु भएको हो ।
दशैंअघि नै बलेवा विमानस्थलदेखि जैमिनीघाट सम्मको झण्डै २ किलोमिटर सडक कालोपत्रे गरिसक्ने योजना बनाएको निर्माण कम्पनीले जनाएको छ । केही दिन अघिको वर्षाका कारण काम रोक्नुपरेकाले ढिलो गरि काम सुरु भएपनि दशैंअघि बागलुङबासीले करिडोरमा कालोपत्रे देख्न पाउनेछन् । वर्षा रोकिएपछि करिडोरको बागलुङ खण्डमा कालोपत्रे देखिने गरी काम सुरु भएको कालिका कन्ट्रक्सनका इञ्जिनियर छकबहादुर गुरुङले बताए ।
मालढुंगा–बलेवा–हर्मिचौर सडक आयोजनाअन्र्तगत ४४ किलोमिटर खण्डमा कालोपत्रे गर्न तीन असर तीस करोड रुपैयाँमा ठेक्का सम्झौता गरेको थियो । चालु आर्थिक वर्षमा आधाभन्दा बढी कालोपत्रे सक्नेगरी दशैंपछि तत्कालै काम थाल्ने र हिउँदभरी सकिने गुरुङले जानकारी दिए ।
