बागलुङ, २१ भदौ– आगामी निर्वाचनका लागि नेकपा एमाले बागलुङका तर्फबाट ३० जना उमेदवार समानुपातिकतर्फ सिफारिस भएका छन् ।
मंसिर ४ गते हुने प्रतिनिधीसभा र प्रदेशसभा निर्वाचनअन्तरगत बागलुङबाट समानुपातिकतर्फ ३० जनाको नाम सिफरिस गरेको हो । संघतर्फ ९ र प्रदेशतर्फ २१ जनाको नाम सिफारिस गरिएको कार्यालय सचिव अमरबहादुर थापाले जानकारी दिए ।
संघको खस आर्य महिलातर्फ ममतादेवि शर्मा उपाध्याय, उषा पौडेल, पुरुषतर्फ शिवप्रसाद सापकोटा, कृष्णबहादुर केसी, जनजाती पुरुषतर्फ सम्पन्न श्रेष्ठ, सञ्जयकुमार श्रेष्ठ, भिमबहादुर शेरचन सुनिल तथा दलिततर्फ तिलबहादुर बिश्वकर्मा र बावुराम नेपालीको नाम सिफारिस भएको थापाले बताए ।
प्रदेशसभा खस आर्य महिलातर्फ भिमा अधिकारी, यमुनादेवि पौडेल, गीता शर्मा, रत्ना भण्डारी, हुमाकुमारी जिसी अञ्जु, रुपाकुमारी पौडेल, पुरुषतर्फ धनिश्वर पौडेल, बिश्व गौतम, टेकबहादुर खत्री, मोहनलाल शर्मा र कृष्ण पाठकको नाम सिफारिस भएको छ ।
जनजाती महिलातर्फ बिनाकुमारी थापा, करमति पुन, पुरुषतर्फ लिलबहादुर थापा, अमरसिंह घर्ती, धनप्रसाद बुढा, लालचन लोप्चन, दलित महिलातर्फ सरस्वती खड्का परियार, छेला नेपाली तथा दलित पुरुषतर्फ तिलबहादुर कामी र गोविन्द नेपालीको नाम सिफारिस भएको थापाले जानकारी दिए ।
