म्याग्दी ८ मंसिर– म्याग्दीमा लोकतान्त्रिक–वाम गठवन्धनको तर्फदेखि उम्मेदवार बनेका खम बहादुर गर्वुजा (खम्बीर) निर्वाचित भएका छन् ।
गर्बुजाले २४ हजार २१ मत प्राप्त गरेका छन् भने उनका प्रतिद्धन्दी नेकपा एमालेका हरिकृष्ण श्रेष्ठले २० हजार १सय ८९ मत प्राप्त गरे । प्रतिद्धन्द्धी नेकपा एमालेका श्रेष्ठले भन्दा ३ हजार ८ सय ३२ मत बढी ल्याएर निर्वाचित भएका हुन् ।
जिल्लाभरी ८६ हजार १२० मतदाता रहेकोमा ५० हजार ६२५ मत खसेको थियो । निर्वाचित भएसँगै गर्बुजाले यो आफ्नो मात्रै जीत नभएर समग्र म्याग्दीवासीको जीत भएको प्रतिक्रिया दिए ।
