काठमाडौं, १ पुस – नेपाली कांग्रेसको १४औं महाधिवेशन अन्तर्गत महिला, दलित, आदिवासी जनजाति क्लस्टरअन्तर्गत कांग्रेस सहमहामन्त्री पदको मतगणना जारी छ।
कांग्रेस केन्द्रीय कार्यालय सानेपामा जारी मतगणनाको प्रारम्भिक नतिजा आएको छ। महिलातर्फ १५ सय मत गन्दा महालक्ष्मी उपाध्याय ‘डिना’ले अग्रता लिएकी छिन्।
उनले ८०६ मत ल्याएकी छिन्। अर्की उम्मेदवार कमला पन्तले ६८३ मत ल्याएकी छिन्। उपाध्याय सभापति शेरबहादुर देउवा र पन्त शेखर कोइराला प्यानलकी उम्मेदवार हुन्।
