काठमाडौं, २१ माघ– नेकपा माओवादी केन्द्रको स्थायी समिति बैठक आज बस्दै छ । पटक पटक सरेरको बैठक आज दिउँसो १ बजे बस्न लागेको महासचिव देव गुरुङले जनाकारी दिए ।
उनका अनुसार बिहीबारको बैठकमा अध्यक्ष प्रचण्डले पछिल्लो राजनीतिक घटनाक्रमबारे जानकारी गराएपछि छलफलका लागि समय अभाव रहेको भन्दै बैठक आजका लागि सारिएको थियो ।
स्थायी कमिटी बैठकमा पार्टी एकता, नेताहरूको कार्य विभाजन र पछिल्लो समसामयिक राजनीतिक घटनाक्रम लगायतका विषयमा छलफल गर्ने एजेण्डा थियो । बैठकमा रास्वपासँगको बिबाद र केन्द्रिय विभागहरुको कार्यबिभाजनका बारेमा निर्णय लिने जनाइएको छ ।
