अनेरास्ववियूको २३ औँ महाधिवेशनको आजबाट सुरु हुँदै

काठमाडौं, २ फागुन– नेकपा एमाले निकट विद्यार्थी संगठन अखिल नेपाल राष्ट्रिय स्वतन्त्र स्वतन्त्र मञ्च अनेरास्ववियूको महाधिवेशन आजबाट सुरु हुने भएको छ । आज दिउँसो साढे १२ बजे नेपाल प्रज्ञा प्रतिष्ठान, कमलादीमा पार्टी अध्यक्ष केपी शर्मा ओलीले उद्घाटन गर्नेछन् ।
लामो समय निर्वाचनबाट नेतृत्व चयन गर्न नसकेको एमाले अखिलले सहमतिबाट नेतृत्व चयन हुन नसकेमा मतदान प्रक्रियाबाट नेतृत्व चयन गर्ने घोषणा गरेको छ ।
फागुन ४ गतेसम्म चल्ने महाधिवेशनमा देशभरबाट १ हजार ५ सय ७३ जना प्रतिनिधिले सहभागिता जनाउने अध्यक्ष सुनिता बरालले जानकारी दिइन् ।
महाधिवेशनको मुख्य उद्देश्य नै नेतृत्व चयन गर्ने हो । जसले १ सय ९९ सदस्सीय केन्द्रीय समिति र तीनवटा केन्द्रीय आयोग पनि निर्माण गर्नेछ । आयोगमा १५ जना सदस्य हुनेछन् ।
बरालले सहमतीबाट नेतृत्व चयनको प्रयास गरिने र सहमति हुन नसके विद्युतीय मतदानबाट नेतृत्व चयन गर्ने गरी प्रबन्ध मिलाइएको बताइन् । अखिलको भावी नेतृत्वको लागि वरिष्ठ उपाध्यक्ष आरसी लामिछाने र मोती विश्वकर्मा र महासचिव समिक बडालको दाबी छ ।