काठमाडौं, ७ फागुन– देशभरमा गत २४ घन्टामा कोभिड १९ का नयाँ संक्रमितको संख्या शून्य रहेको छ । स्वास्थ्य तथा जनसंख्या मन्त्रालयको विवरणअनुसार २४ घन्टामा कोभिडका नयाँ संक्रमित नभेटिएका हुन् ।
पछिल्ला दिन न्यून संक्रमण देखिइरहेका वेला आइतबार भने शंकास्पद ६६७ जनाको नमुना परीक्षण गर्दा संक्रमितको संख्या शून्य रहेको हो । यही समयमा २ जना संक्रमणमुक्त भएका छन् ।
हाल नेपालमा कोभिडका सक्रिय संक्रमितको संख्या १५ जनामात्र रहेको छ भने संक्रमणमुक्त हुने दर ९८ प्रतिशतभन्दा धेरै रहेको छ ।
