तस्बिर खिमा रानाको फेसबुकबाट
बागलुङ, ११ फागुउन– हात्तिपाइले बिरुद्धको आम औषधि सेवन अभियान शुरु भएको छ । बिहिबार बागलुङस्थित धौलागिरि अस्पतालमा जिल्ला समन्वय प्रमुख अमर थापा, बागलुङ नगरपालिकाका प्रमुख बसन्तकुमार श्रेष्ठ लगायतले औषधि सेवन गरे अभियानको थालनी गरे ।
बागलुङ नगरपालिका र स्वास्थ्य कार्यालय बागलुङको अभियानअन्र्तगत शुभारम्भ गरिएको थियो । त्यसअघि बुधबार जिल्लाका बिद्यालयमा औषधि खुवाइसकिएको छ । औषधि खाएर समन्वय प्रमुख थापाले आम नागरिकको स्वास्थ्य सुरक्षामा सबैको चासो हुनुपर्ने भन्दै सबैले औषधि नखाए राज्यको सम्पत्तिको नास हुने बताए ।
नगर प्रमुख श्रेष्ठ र प्रजिअ रोशनीकुमारी श्रेष्ठले पनि औषधि सबैले खाने वातावरण बनाउने बताएका थिए ।
कार्यक्रममा जनस्वास्थ्य निरिक्षक रामप्रसाद खनालले कार्यक्रमबारे जानकारी गराएका थिए । बिहिबार जिल्लाभर टोल टोलमा हात्तिपाइले रोग बिरुद्धको औषधि खुवाइएको छ । २०६६ सालदेखि नियमित हात्तिपाइलेको औषधी खुवाइएको थियो । तर, सबैले नखाँदा रोग निवरण हुन सकेको छैन ।
रोग निर्मुल पार्न यो पटक आम औषधि खुवाउने कार्यक्रम गरिएको हो । बागलुङमा २ लाख ५४ हजारले यो औषधि खाने लक्ष्य छ ।
