बागलुङ, २० फागुन– गुणस्तरहिन खाद्यबस्तुको प्रयोगले बिद्यार्थीको स्वास्थ्यमा पर्न सक्ने नकारात्मक असरलाई रोक्न खाद्य प्रविधि तथा गुण नियन्त्रण डिभिजन कार्यालय बागलुङको अगुवाईमा सदरमुकामका केही बिद्यालयलाई खाद्य सुरक्षाबारे सचेत गराईएको छ ।
डिभिजन कार्यालयसहित जिल्ला प्रशासन, बागलुङ नगरपालिका, घरेलु तथा पर्यटन उद्योग कार्यालय र राष्ट्रिय उपभोक्ता मञ्चले केही विद्यालयमा संयुक्त अनुगमन गरी खाद्य सुरक्षाबारे सचेत गराईएको खाद्य प्रविधि तथा गुण नियन्त्रण कार्यालय बागलुङका प्राविधिक सहायक सहन्साकुमार मेहताले जानकारी दिए ।
अनुगमनका क्रममा बिद्यालयलाई खाद्य स्वच्छताका आधारभुत मापदण्डको पालना गर्न आग्रह गरिएको थियो । बिद्यालयले बिद्यार्थीलाई खुवाउने खाजाको गुणस्तर मापन गर्न बिद्यालयका क्यान्टीनको अनुगमन गरिएको मेहताको भनाई छ ।
खाद्य स्वच्छताका आधारभुत मापदण्ड पालना भएनभएबारे बुझ्न अनुमगन गरिएको हो । गुणस्तरहिन सामग्रीको प्रयोगबाट बच्न र बचाउन अनुगमनलाई निरन्तरता दिइने उपभोक्ता मञ्चका अध्यक्ष शैलेन्द्रकुमार श्रेष्ठले बताए ।
