बागलुङ, २१ फागुन– स्वतन्त्र बिद्यार्थी युनियनको निर्वाचनका लागि धौलागिरि बहुमुखी क्याम्पसमा मतदाता नामावली प्रकाशन गरिएको छ ।
चैत ५ गतेका लागि तोकिएको स्ववियु निर्वाचनको कार्यतालिकाअनुसार गत १९ गते संघ संगठन दर्ता भैसकेपछि मतदाता नामावली प्रकाशन गरिएको हो । क्याम्पसमा बिभिन्न संकायमा अध्यनरत १ हजार ७ सय ४६ जना बिद्यार्थीको नामावली प्रकाशन भएकोे छ ।
क्यापसमा बिविएतर्फ १ सय ४२, बिविएसतर्फ ७ सय ७४, बिएडतर्फ ५ सय ४०, बिएससीतर्फ ६९, बिएतर्फ ८९, एमएतर्फ २१, एमएडतर्फ ३६ र एमवीएसतर्फ ६२ जना बिद्यार्थी भर्ना भएको क्याम्पस प्रशासनले जनाएको छ ।
निर्वाचन कार्यक्रमअनुसार फागुन २५ गते मतदाता सुचि उपर दाबी बिरोध, दावी बिरोध छानविन गरि अन्तिम नामावली प्रकाशन, २६ गते प्रत्यक्ष तथा समानुपातिक उमेदवारका लागि मनोनयन पत्र बितरण, २७ गते प्रत्यक्ष तथा समानुपातिक उमेदवारको नामावली दाखिला, प्रत्यक्ष तर्फको उमेदवारको नामावली प्रकाशन गर्ने तालिका रहेको निर्वाचन अधिकृत भक्तिराम न्यौपानेले जानकारी दिए ।
त्यसैगरी, २८ गते उमेदवारको नामावली उपर दावी बिरोध, दावि बिरोध उपर छानविन गरि उमेदवारको नामावली प्रकाशन, २९ गते उमेदवारको नाम फिर्ता लिने, उमेदवारको अन्तिम नामावली प्रकाशन गर्ने र चैत ५ गते बिहान ८ बजेदेखि दिउँसो ४ बजेसम्म मतदानको तालिका रहेको न्यौपानेले बताए ।
