काठमाडौं, २९ चैत्र– कोरोना भाइरसको संक्रमणबाट बुधबार एक जनाको मृत्यु भएको छ । स्वास्थ्य तथा जनसंख्या मन्त्रालयका अनुसार, बुधबार एक जना संक्रमितको निधन भएको हो ।
मंगलबार पनि एक जनाको मृत्यु भएको थियो । यस्तै बुधबार दुई हजार ३ सय ७७ जनाको कोरोना परीक्षण गर्दा एक सय २१ जनामा संक्रमण देखिएको छ । यस्तै कोरोना उपचारबाट ८१ जनाले स्वास्थ्य लाभ गरी घर फर्किएका छन् ।
हालसम्म देशभर ४ सय ४५ जना सक्रिय संक्रमित रहेका छन् । नेपालमा पछिल्लो पटक कोरोना भाइरसको संक्रमण बढिरहेको छ ।
