नयाँ भेरिन्य देखिएसंगै कोरोना संक्रमित बढ्दै

काठमाडौं, २ बैशाख– पछिल्लो २४ घण्टामा थप १ सय ३६ जनामा कोरोना संक्रमण पुष्टि भएको छ । १ सय ९७ पीसीआर र १ हजार २ सय २७ एन्टिजेन परीक्षणमा ३४ र १ सय २ जनामा कोरोना संक्रमण पुष्टि भएको हो ।
स्वास्थ्य तथा जनसंख्या मन्त्रालयका अनुसार, पछिल्लो २४ घण्टामा ६८ जना संक्रमणमुक्त भएका छन् । यसअघि बिहीबार १ सय ६ जनामा कोरोना संक्रमण पुष्टि भएको थियो ।
नयाँ भेरिएन्ट देखिएसँगै संक्रमितको संख्या केही हप्तायता बढ्दो क्रममा छ । हाल सक्रिय संक्रमितको संख्या ४ सय १ पुगेको छ । १ हजार हाराहारीमा हुँदै आएको कोभिड परीक्षण गराउनेको संख्या पनि बढ्दै गएको देखिन्छ ।
कोभिड बढेसँगै अस्पतालमा पनि बिरामी भर्ना हुन थालेका छन् । स्वास्थ्य तथा जनसंख्या मन्त्रालयको नियमित कोभिड अपडेटअनुसार हाल संस्थागत आइसोलेसनमा ३२, आईसीयूमा ११ र भेन्टिलेटरमा ३ जना उपचाररत छन् ।