शिक्षण पेशा छाडेर राजनीतिमा होमिएका थापा मन्त्रिसम्म

बागलुङ, ३० बैशाख– शुक्रबार बिस्तार भएको गण्डकी प्रदेशको मन्त्री परिषदमा नेपाली कांग्रेस बागलुङका निर्वतमान सभापति दिपेन्द्रबहादुर थापा उद्योग, पर्यटन वन तथा वातावरण मन्त्री नियुक्त भएका छन् ।
थापा बागलुङ क्षेत्र नंं. १ को ‘क’ बाट प्रत्यक्ष निर्वाचित सांसदसमेत हुन् । कांग्रेस राजनीतिमा जिल्ला सदस्यदेखि सचिवहुँदै सभापतिसम्म पुगेका थापा सालिन स्वभावका मानिन्छन् । बानपा ११ घर भएका थापाले महाबिद्याजन माबि रायडाँडामा पढाउँथे । २०३६ सालमा शिक्षकबाट राजिनामा दिएर राजनीतिमा होमिएका थापा निरन्तर राजनीतिमै छन् ।
सत्याग्रहदेखि नेपालको राजनीतिका सबै आन्दोलनमा थापा सहभागि भए । थापाले हारलाई सँधै जीतको रुपमा लिएको बताउने गर्छन् । पार्टीमा सचिव, सभापति र प्रदेशसभामा एक÷एक पटक पराजित भएपनि उनले ती पद जितेरै छाडे । गत २०६४ को निर्वाचनमा एमालेका इन्द्रलाल सापकोटासँग पराजित भएका थापाले २०७९ को निर्वाचनमा एमालेकै हिराबहादुर केसीलाई पराजित गरेर गण्डकी प्रदेश सभाको यात्रा तय गरेका थिए ।
उनी कांग्रेसको महाधिवेसन प्रतिनिधि र महासमिति सदस्यमा पटक पटक निर्वाचित भएका थिए । २०४९ मा कांग्रेसको तर्फबाट रायडाँडा गाविस अध्यक्ष भएका थापा २०५४ सालको स्थानीय तह निर्वाचनमा निर्विरोध अध्यक्ष भएका थिए । विकास निर्माणमा थापाले निरन्तर काम गर्छन् भन्ने स्थानीयले बुझेका छन् । ‘उहाँकै कारण सबैभन्दा दुर्गम भएपछि रायडाँडामा पहिला बिद्युतीकरण भएको थियो’ बानपा ११ का अध्यक्ष ज्ञानेन्द्र गौतमले भने, ‘सडक संजालबाट पनि हामी पहिला जोडिएका थियौं ।’