बागलुङ, २४ कात्तिक- ढोरपाटन नगरपालिकामा धान लिएर आएको जिप दुर्घटना हुँदा चालकको घट्नास्थलमा नै मृत्यु भएको छ ।
ढोरपाटन नगरपालिका(३ को टारीबान्द्रे भीरबाट बोलेरो जिप खस्दा चालकको मृत्यु भएको छ । लु १ च ६९३८ नम्बरको जिप ५ सय मिटर तल खस्दा चालक ढोरपाटन-३ पुर्कोटका ३६ वर्षीय किसान बिकको घटनास्थलमै मृत्यु भएको हो ।
शुक्रबार बेलुकी ८ बजे जिप दुर्घटना भएको खबर ढोरपाटन नगरपालिकाका उपप्रमुख धनबहादुर कायतले प्रहरीमा गरेका थिए । इलाका प्रहरी कार्यालय बुर्तिवाङका प्रहरी निरीक्षक आनन्द बस्नेत नेतृत्व टोलीले घटनास्थलको उद्धार गरेको थियो । घटनाबारे थप खोजी भैरहेको बस्नेतले जानकारी दिए । जिपमा चालक मात्र भएको अनुमान गरिएको छ ।
