बागलुङ, ११ असार– बागलुङको तमानखोला गाउँपालिकाले ३१ करोडको बजेट सार्वजनिक गरेको छ । आगामी आर्थिक वर्षका लागि नीति तथा कार्यक्रम र बजेट एकै पटक सार्वजनिक गरेको गाउँपालिकाले शिक्षा क्षेत्र प्राथमिकतामा राखेको छ ।
गाउँपालिका उपाध्यक्ष हिराकुमारी छन्त्यालले प्रस्तुत गरेकोे बजेटमा शिक्षा, स्वास्थ्य, उद्योग, पर्यटन, स्वरोगारलाई जोड दिएको छ । कला संस्कृति, पुरातात्विक पहिचान झल्काउन र ग्रामिण क्षेत्रको पहिचान दिलाउनका लागि तमानगाउँका सबै घरलाई एकै किसिमको रंगले रंग्याएर पहिचानसहितको गाउँ निर्माण गरिने बजेटमा उल्लेख छ ।
जडिवुटि, पार्क निर्माण, ३ वटा माध्यमिक विद्यालयमा अध्ययनरत विद्यार्थीलाई सिपमुलक र आत्मनिर्भरमुखि बनाउने गरी पढ्दै कमाउँदै कार्यक्रमअन्र्तगत कृषि उत्पादन र आर्थिक उर्पाजनमुलक कार्यक्रममा जोड दिइने नीतिमा उल्लेख गरिएको छ ।
यसैबीच, बागलुङको ढोरपाटन नगरपालिकाले ५१ करोड ४० लाख रुपैयाँको बजेट सार्वजनिक गरेको छ । आगामी आर्थिक वर्ष २०७९÷०८० को नगर उपप्रमुख धनबहादुर कायतले उक्त बजेट प्रस्तुत गरेका हुन् । बजेटमा कृषि, पर्यटन, स्वास्थ्य शिक्षा, रोजगार लगायतका विषयलाई जोड दिईएको छ ।
सडकको सहज पहुँच, एकघर एक खानोपानी धारा निर्माण गरी खानेपानीको पहुँचलाई विस्तार गर्ने, गरिबी अन्त्य गर्न रोजगार तथा सिपमुलक र उत्पादनमुखी कार्यक्रमलाई प्राथमिकता दिइने बजेटमा उल्लेख छ । ढोरपाटनले शुक्रबारनै नीति तथा कार्यक्रम पनि प्रस्तुत गरेको थियो ।
